Í morgunsendingini fríggjamorgun í Lindini hevði Jóhannes Miðskarð eina samrøðu við Tummas Jákup Thomsen um hansara lív, rústrupulleika og rúsviðgerð. Hetta var í samband við eitt átak hjá Bláa Krossi, ið nevnist “Tor at seta orð á”.
Hetta átakið hevur til endamáls, at leggja lunnar undir meiri opið orðaskifti um rús og rústrupulleikar í Føroyum. Rústrupulleikin ávirkar bæði tann, sum er bundin av at rúsa seg og tey, sum standa honum ella henni nær. Hann ávirkar kropsliga, sálarliga og sosialt. Avleiðingarnar eru bæði privatar og almennar; tær raka einstaklingin og samfelagið.
Men vit tosa alt ov lítið um tað. Alt ov ofta fjalir rústrupulleikin seg aftanfyri tøgn, skomm og ótta. Og tað er ofta júst hendan tøgnin, sum heldur rústrupulleikanum á lívi. Rústrupulleikin kann ikki tigast burtur.
Sí átaksheimasíðuna hjá Bláa Krossi: setorda.fo
Interviewið kann síggjast her: https://youtu.be/6m9rD5l91jw
Eisini er tað tøkt á øllum podvarpplattformum, t.d. spotify og Apple Podcasts.
Við máli frá Sannu Svarvadal og 1-0 sigri á B36 í Gundadali tryggjaði KÍ sær sítt triðja meistaraheiti á rað í Betri-deildini við kvinnum.
KÍ er føroyameistari í Betri-deildini við kvinnum fyri triðju ferð á rað.
Tað er greitt eftir 1-0 sigur á B36 í Gundadali. Liðskiparin, Sanna Svarvadal, skeyt einasta málið í dystinum tríggjar minuttir fyri steðgin.
KÍ hevði fleiri møguleikar til at økja um leiðsluna, men tað eina málið var nóg mikið til at tryggja enn eitt meistaraheiti.
Klaksvíkingarnir hava verið drúgvar í ár, og enn hava tær bláu til góðar at tapa í landskappingini.
EBS/Skála, sum elti KÍ, gjørdi sítt á heimavølli ímóti Víkingi. Tær vunnu 4-2, men kunnu nú ikki taka KÍ aftur.
Triðji dysturin, sum skuldi vera í dag, varð av ongum, tí ein dómari var ov seinur til dystin ímillum 07 Vestur og NSÍ.
Kelda:kvf
